Sumarlestri Bókasafns Árborgar á Selfossi, fyrir börn á aldrinum 7-10 ára, lauk í vikunni með miklu fjöri í ratleik.
Metþátttaka var í sumarlestrinum í ár, en ríflega 100 börn skráðu sig til leiks. Þemað að þessu sinni var Ofurhetjur og var barnadeild bókasafnsins skreytt í hólf og gólf með ofurhetjum og öllu sem að þeim snýr.
Við á bókasafni Árborgar viljum þakka þeim fjölda barna sem tók þátt í ár og hlökkum til að sjá sem flest aftur næsta sumar.
Skreytingarnar í barnadeildinni koma til með að standa áfram fram eftir sumri og bjóðum við alla hjartanlega velkomna að skoða hjá okkur dýrðina.
