Valdimar Hermann Hannesson heiti ég, gjarnan kallaður Lalli. Vertu velkominn á þessa fyrstu sýningu á verkum mínum sem haldin er með formlegum hætti Ég hef teiknað og málað frá því að ég man eftir mér og sæki innblástur úr ýmsum áttum, helst væri þar að nefna; Þungarokk, hryllingsmyndir, myndasögur og ýmislegan popp kúltúr í þeim dúr. Oft hef ég verið spurður, og ekki þá sýst þegar ég var yngri, afhverju ég máli nú ekki eitthvað fallegt frekar. Við því hef ég engin svör, enda er fegurðin afar afstætt hugtak. Ég á rætur mínar að rekja í sveit vestur á Tálknafirði (hvort það skýri að einhverju leiti undarlegan stílinn og áhugasviðið veit ég ekki), þar sem ég hef að mestu leiti alið manninn allt fram að því að ég flutti hingað á Selfoss fyrir u.þ.b. 2 árum síðan. En hér gefst ykkur áhorfendum færi á að berja fáein verk augum og ég vona að þið njótið vel.