Listakonan Madalena Abreu, félagsmaður í Myndlistarfélaginu, opnar sýninguna Drawing Diaries í Listagjánni á Bókasafni Árborgar dagana 7.–21. mars. Sýningin er hluti af hátíðardagskrá félagsins í tilefni 45 ára afmælis Myndlistarfélags Árnessýslu, þar sem fjölbreyttir listviðburðir og sýningar fara fram víðs vegar um Suðurland í marsmánuði.

Á sýningunni gefur að líta innsýn í skapandi heim Madalenu þar sem teikningar, skissur og hugmyndavinna mynda sterka heild. Verk hennar einkennast af nákvæmni, hugmyndaauðgi og leikandi nálgun að myndsköpun þar sem fantasía, sögur og persónur fá að lifna við á blaðinu.

Sýningin stendur frá 7.–21. mars