Landsleikurinn „Allir lesa“ fór af stað á bóndadaginn 22. janúar s.l. og stendur yfir til 21. febrúar. Fyrsti leikurinn sló í gegn en lesnir klukkutímar voru vel yfir 70.000. Þegar lestur var skoðaður eftir búsetu sátu Vestmannaeyingar í efsta sæti en sveitarfélagið Árborg stóð sig einnig vel og hafnaði í 19. sæti af 74. Konur reyndust lesa töluvert meira en karlar en fróðlegt verður að sjá hvernig lesturinn dreifist í ár. Liðakeppnin skiptist í þrjá flokka: vinnustaðaflokk, skólaflokk og opinn flokk. Landsleikurinn er tilvalin leið til að hrista fólk saman og skemmta sér við lestur um leið og keppt er til sigurs. Hægt er að mynda lið með hverjum semer, til dæmis með vinnustaðnum, fjölskyldunni, leshringnum, saumaklúbbnum eða vinahópnum. Þáttakendur mynda lið og skrá lestur á vefinn allirlesa.is. Þau lið sem verja samanlagt mestum tíma í lestur standa uppi sem sigurvegarar. Í lokin eru sigurlið heiðruð með viðurkenningu og verðlaunum. Skáning liða fer fram á www.allirlesa.is